“New Glenn”in üçüncü uçuşu fevralın sonuna planlaşdırılır
“Blue Origin” şirkəti “New Glenn” raketinin üçüncü uçuşunu fevral ayının sonu həyata keçirməyi planlaşdırır. Əvvəl gözlənildiyinin əksinə olaraq, bu missiya Ay istiqamətində olmayacaq. Raket aşağı Yer orbitinə “AST SpaceMobile” şirkətinə məxsus peyki daşıyacaq.
Raketin hazırlanmasına təxminən 10 il sərf olunub. Bu, “New Glenn”in kommersiya yükü ilə ikinci uçuşu olacaq. Məlumata görə, “Blue Moon Mark 1” (MK1) robotu hazırda NASA-nın Conson Kosmik Mərkəzində vakuum kamerası sınaqlarına hazırlanır. Missiyanın dəqiq buraxılış tarixi hələ müəyyən edilməyib.
Qeyd etmək lazımdır ki, fevral ayı kosmik uçuşlar baxımından olduqca intensiv olacaq. NASA-nın “Artemis II” missiyasının, “SpaceX”in “Starship”nin sınaqlarının və “Crew-12” uçuşunun bu ay baş tutması gözlənilir.
Ülkər XASPOLADOVA,
“Azərbaycan”
Müəllif haqqında
