Pep Qvardiola “Qalatasaray” matçı üçün azarkeşlərdən kömək istəyib
LivePress ntvspor-a istinadən bildirir:
Çərşənbə günü UEFA Çempionlar Liqasında evdə “Qalatasaray”la qarşılaşacaq “Mançester Siti”nin baş məşqçisi Pep Qvardiola ilk 8-liyə düşmək üçün azarkeş dəstəyinə ehtiyac duyduqlarını deyib.
Liqanın son həftəsində “Qalatasaray”ı qəbul edəcək Mançester komandasında zədəli futbolçuların bolluğu diqqət çəkərkən, təcrübəli çalışdırıcı sarı-qırmızılı komandaya qalib gəlmək üçün azarkeşlərdən dəstək istəyib.
Bir çox futbolçusunun “Qalatasaray”a qarşı oynaya bilməyəcəyini bildirən Qvardiola “Azarkeşlərimizə ehtiyacımız var. Marc Guehi, Antoine Semenyo, Rodri oynaya bilməz. Niko, Savinyo və Con Stones hazır olmayacaq. Uzun siyahıdır, amma ümid edirəm ki, azarkeşlərimiz bizi ruhlandıra bilər” dedi. dedi.
Mançesterlilərin yeni transferləri Semenyo və Quehi “Nəhənglər Liqası”nın seçmə mərhələlərində çıxış edə biləcək. Rodri, Bodo/Glimt matçında aldığı qırmızı vərəqə səbəbilə cəzalandırılıb.
“Çelsi” ilə matçda baldır sümüklərini sındıran xorvatiyalı Josko Qvardiol mövsümü başa vurub. Digər zədəli futbolçuların Ruben Dias, Oscar Bobb və Mateo Kovacic-in fevralda komandaya qoşulacağı gözlənilir.
“Mançester Siti”nin “Vulverhempton”u 2-0 məğlub etdiyi matçda Qvardiola tərəfindən daha sonra istirahət etmək üçün oyuna gətirilən norveçli ulduz Erlinq Haaland və cəzalı olduğu üçün Bodo/Glimt ilə oynaya bilməyən Bernardo Silva vəzifəsini gözləyəcək.
Liqanın son həftəsi öncəsi “Mançester Siti” 13 xalla 11-ci, “Qalatasaray” isə 10 xalla 17-ci pillədə qərarlaşıb.
“Mançester Siti” və “Qalatasaray” 28 yanvar Çərşənbə günü, yerli vaxtla saat 23:00-da “Etihad” stadionunda üz-üzə gələcək.
Müəllif haqqında
