ABŞ-ın Merilend ştatında Tesla Cybertruck dizaynını xatırladan yeni nəsil futuristik sürət kameraları quraşdırılıb.
LivePress xarici mediaya istinadən xəbər verir ki, bu cihazlar yalnız sürət həddini deyil, həm də süni intellekt vasitəsilə eyni anda bir neçə zolağı izləyə bilir. Kameraların xüsusi zirehlə örtülməsi onları vandallıq aktlarından qorumaq və texniki xidmət xərclərini minimuma endirmək məqsədi daşıyır. Magistral yollarda və yol təmiri zonalarında yerləşdirilən bu sistemlər ənənəvi kameralardan daha geniş çəkiliş bucağına malikdir. Sürücülər arasında marağa səbəb olan bu texnologiya yol hərəkəti təhlükəsizliyini artırmaq üçün tətbiq edilir. Rəsmilər bu addımın qəza sayını kəskin azaldacağını proqnozlaşdırırlar.
Müəllif haqqında
