Üçqat “Masters” çempionu Fil Mikelson, ailəsindəki ciddi sağlamlıq problemi səbəbindən gələn həftə keçiriləcək nüfuzlu turnirdə iştirak etməyəcəyini açıqlayıb.
LivePress Media Japan Timesin məlumatına istinadən xəbər verir ki, 55 yaşlı qolfçu bu səbəbdən idmandan qeyri-müəyyən müddətə uzaq qalacaq. Beləliklə, 1994-cü ildən bəri ilk dəfədir ki, həm Mikelson, həm də Tayler Vuds eyni vaxtda “Masters” heyətində yer almayacaq. Turnir rəhbərliyi Mikelsonun bu çətin dövrdə ailəsinin yanında olmaq qərarını tam dəstəklədiklərini bildirib.