İtaliya mediası: Vladimir Putin Azərbaycan təyyarəsinin vurulduğunu etiraf edib
İtaliya mediası Düşənbədə Azərbaycan Prezidenti İlham Əliyevlə görüşdə Rusiya Prezidenti Vladimir Putinin ötən il “Azərbaycan Hava Yolları”nın təyyarəsinin qəzaya uğramasına görə ölkəsinin məsuliyyət daşıdığını etiraf etməsindən yazıb.
AZƏRTAC xəbər verir ki, ANSA, “La Repubblica”, RAI, “il Giornale”, “Askanews”, “il Fatto Quotidiano”, “Notizie Geopolitiche”, “il Post”, “Latestata”, “Gazeta Express”, “il Foglio”, “Insideover”, “Gazzetta di Genova” kimi informasiya agentlikləri və xəbər portallarının yaydığı materiallarda Azərbaycan və Rusiya prezidentlərinin Tacikistanın paytaxtı Düşənbədə keçirilən MDB Dövlət Başçıları Şurasının iclası çərçivəsində görüşdüyü bildirilir. Diqqətə çatdırılır ki, görüşdə Vladimir Putin 2024-cü il dekabrın 25-də Qroznı istiqamətində uçuş həyata keçirən AZAL təyyarəsinin Rusiya hava hücumundan müdafiə qüvvələri tərəfindən vurulmasını etiraf edib. Rusiya Prezidenti ölkəsi tərəfindən müvafiq kompensasiyanın ödəniləcəyini və hadisəyə hüquqi qiymət veriləcəyini deyib.
Yazılarda “Azərbaycan Hava Yolları”na məxsus təyyarənin Qazaxıstanda qəzaya uğraması nəticəsində hər iki pilot və stüardessa da daxil olmaqla 38 nəfərin həlak olduğu xatırladılır.
Müəllif haqqında
