LIVEPRESS.MEDIA xarici mediaya istinadən xəbər verir ki, Kiyev Milli Taras Şevçenko Universiteti rus və belarus dillərini öyrənmək üçün proqramları bağlayıb. Universitet elmi fəaliyyət üçün rus mənbələrindən istifadəni də qadağan edib. KNU rektoru Vladimir Buqrov yeniliklərdən danışıb.
“Bizim Filologiya İnstitutumuzda rus dili və ədəbiyyatı, belarus dili və ədəbiyyatı, fars dillərini öyrənirdik. Biz bu proqramları bağladıq”, – o, Ukrayna xəbər agentliyinə deyib.
Buqrov əlavə edib ki, həm də məktəbdə rus dili və ədəbiyyatını öyrənməyə ehtiyac yoxdur. Dünya ədəbiyyatı kursunda yalnız bəzi əsərlərə diqqət yetirmək olar. Universitetdə rusdilli əsərlər, əgər müzakirə olunursa, tənqidi təhlilə məruz qalmalıdır.