Misir Trampın Sülh Şurasına qoşulmaq üçün dəvəti qəbul etdi
Misir ABŞ Prezidenti Donald Trampın Sülh Şurasına qoşulmaq üçün dəvətini qəbul edib. Bu barədə çərşənbə günü “Əl-Ərəbiyyə” telekanalı ölkənin Xarici İşlər Nazirliyinin açıqlamasına istinadən məlumat yayıb.
Sülh Şurası, Amerika liderinin Qəzza zolağından başlayaraq dünyadakı münaqişələrin həllinə yönəlmiş təşəbbüsüdür. Trampın özünün ömürlük sədr vəzifəsini icra edəcəyi gözlənilir.
Bundan əvvəl İsrail, Azərbaycan, Argentina, Belarus, Macarıstan, Vyetnam, Qazaxıstan, Qətər, Mərakeş və BƏƏ Amerika Prezidentinin Şuraya qoşulmaq üçün dəvətini qəbul etmişdilər.
Bu arada, Avropa diplomatları Trampın qlobal münaqişələrin həlli üçün alternativ forum yaratmaqla BMT-ni əvəz etməyə çalışmasından narahatlıqlarını ifadə ediblər.
Rizvan CƏFƏROV,
“Azərbaycan”
Müəllif haqqında
