Misli Premyer Liqası: “Kəpəz” “Qarabağ”ı məğlub edib
Misli Premyer Liqasının XVII turunda daha bir oyun keçirilib.
AZƏRTAC xəbər verir ki, son çempion “Qarabağ” evdə “Kəpəz”lə qarşılaşıb. Görüş qonaqların 2:0 hesablı qələbəsi ilə yekunlaşıb.
Xallarını 12-yə çatdıran Gəncə təmsilçisi 10-cu pilləyə yüksəlib. Ağdam klubu isə 36 xalla ikinci yerdə qərarlaşıb.
Günün ilk matçında “Şamaxı” doğma meydanda “Qəbələ”ni qəbul edib.
Şamaxı şəhər stadionunda oynanılan görüş qonaqların 4:0 hesablı qələbəsi ilə yekunlaşıb.
Qeyd edək ki, ötən gün keçirilən görüşlərdə “İmişli” “Araz-Naxçıvan”la (2:2), “Neftçi” isə “Zirə” ilə (0:0) bərabər qalıb.
Tura yanvarın 25-də yekun vurulacaq.
Müəllif haqqında
