LIVEPRESS.MEDIA xarici mediaya istinadən xəbər verir ki, Avstraliyanın paytaxtı Kanberrada qadının beynindən cərrahi yolla 8 santimetr uzunluğunda canlı qurd çıxarılıb.
Emerging Infectious Diseases jurnalının məlumatına görə, 64 yaşlı qadın qarın ağrısı və 3 həftə davam edən ishal, həmçinin quru öskürək, qızdırma və gecələr həddindən artıq tərləmə şikayətləri ilə xəstəxanaya müraciət edib. Qadının şikayətlərinə unutqanlıq və depressiya əlavə edildikdə, o, Kanberradakı xəstəxanaya göndərilib. MRT müayinəsi edilən qadında anormal beyin fəaliyyəti aşkar edildiyi üçün əməliyyat olunmasına qərar verilib.
Həkimlər əməliyyat zamanı qadının beynindən uzunluğu 8 santimetr, eni 1 millimetr olan canlı qurdu çıxarıblar. Müayinə üçün laboratoriyaya göndərilən “Ophidascaris robertsi” adlı qurdun adətən pitonlarda görülən parazit olduğu müəyyən edilib. Araşdırmada, insanlarda sözügedən parazitlə bağlı əvvəlki hesabatların olmadığı qeyd edilib. Xəstənin evinin yaxınlığında gölün olduğu və gölün ətrafında parazitin məskunlaşdığı piton növünün tapıldığı bildirilib.
Müəllif haqqında
