Rizedə qırmızı kartlar danışdı: Qarşılıqlı qollarla matç sona çatdı
LivePress ntvspor-a istinadən bildirir:
“Çaykur Rizəspor” öz meydanında “Korendon Alanyaspor”la 1:1 hesablı heç-heçə edib. Hər iki komanda qırmızı vərəqə alıb.
Trendyol Super Liqasının 19-cu həftəsində “Çaykur Rizəspor” öz meydanında “Korendon Alanyaspor”u qəbul edib.
Çaykur Didi Stadionunda meydan sahibləri Valentin Mixaylanın 80-ci dəqiqədə vurduğu qolla 1:0 önə keçib. Qonaq komanda 89-cu dəqiqədə Muni ilə hesabı bərabərləşdirib.
Qaradənizlilərin heyətində Papanikolaou 6-cı dəqiqədə, “Alanyaspor”da Maestro isə 43-cü dəqiqədə qırmızı vərəqə alıb.
“Çaykur Rizəspor” 19, “Alanyaspor” isə 22 xal qazanıb.
MATÇDAN DƏQİQƏLƏR.
6-cı dəqiqədə “Çaykur Rizespor”un futbolçusu Papanikolaou qonaq komandanın futbolçusu Efecan Karaca qarşı kobudluq edəndə hakim Halil Umut Meler qırmızı vərəqə göstərib. Meydan sahibləri meydanda 10 futbolçu ilə qalıb.
Meydan sahibləri 14-cü dəqiqədə qol vurmağa yaxın olub. Sovenin cərimə meydançasına gətirdiyi topu qəbul edən Zeqirinin zərbəsini qapıçı Ərtoğrul Taşkıran yoxlayıb.
28-ci dəqiqədə cərimə meydançasının sağ cinahında topu qəbul edən Limanın hücumu müdafiə tərəfindən qarşılanıb.
43-cü dəqiqədə “Alanyaspor” 10 nəfərə düşüb. Maestro ikinci sarı vərəqə üçün qırmızı vərəqə alaraq oyundan kənarda qalıb.
Matçın ilk hissəsi qolsuz bərabərliklə yekunlaşıb.
Müəllif haqqında
