Tedesko 100 milyon avroluq hücumçunu düşünmədən rədd etdi: Səbəb çox aydındır
LivePress ntvspor-a istinadən bildirir:
Hələ də En-Nesyri ilə yollarını ayırmayan “Fənərbaxça” sürətini azaltmadan hücumçu axtarışlarını davam etdirir. Son olaraq sarı-göylülər komandasına dünyaca məşhur mərkəz hücumçusunun tövsiyə edildiyi və Tedesconun bu adı komandasında istəmədiyi bildirilib.
Fənərbaxçada transfer çalışmaları davam edir. N’Qolo Kanteni heyətinə qatmağa çalışan sarı-göylülər hücumçu axtarışındadır. Son olaraq sarı-göylülər üçün sürpriz ad təklif edildiyi bildirilib.
“Yeni Açık” YouTube kanalında danışan jurnalist Ertan Süzgün Romelu Lukakunun “Beşiktaş” və “Fənərbaxça”ya tövsiyə edildiyini ifadə edərək, sarı-göylü komandanın məşqçisi Domeniko Tedeskonun belçikalı hücumçuya veto qoyduğunu vurğulayıb. Ertan Süzgün açıqlamasında bu ifadələrdən istifadə edib:
“Lukaku “Fənərbaxça”ya da təklif edilmişdi. Domeniko Tedesko zədəsini təzəcə sağaltdığı və hazır olmadığı üçün bu ada qəti veto qoydu”.
Romelu Lukaku 2021-ci ildə 100 milyon avro ilə ən yüksək bazar dəyərinə çatdı. Hazırda dəyəri 15 milyon avro olan 32 yaşlı mərkəz forvardının “Napoli” ilə 2027-ci ilin iyununa qədər müqaviləsi var.
Mövsümün əvvəlindən zədəli olan və yeni sağalmış Lukaku yanvarın 25-də keçirilən “Yuventus” matçında 11 dəqiqə meydanda olub.
Müəllif haqqında
