ABŞ Prezidenti Donald Trampın Coinbasenin baş icraçı direktoru Brayan Armstrongla Ağ Evdə qapalı görüş keçirdiyi bildirilir. Görüşdən bir neçə saat sonra Tramp sosial şəbəkədə çıxış edərək böyük bankları ABŞ-da kripto bazarının strukturunu müəyyən edən qanun layihəsini – xüsusilə “CLARITY Act” və əvvəlki “GENIUS Act” təşəbbüslərini – ləngitməkdə ittiham edib. O, bankların “Kripto Sənayesi ilə yaxşı bir razılaşma” bağlamalı olduğunu vurğulayıb.
LivePress Media bitcoin.com-a istinadən xəbər verir ki, müzakirə olunan qanun layihəsi sabitkoin və digər rəqəmsal aktivlər üçün aydın qaydalar yaratmağı, həmçinin bəzi kripto şirkətlərinə depozitlərə bənzər gəlir təklif etməyə imkan verməyi nəzərdə tutur. Banklar isə bu maddəyə qarşı çıxaraq, belə bir modelin ənənəvi bank depozitlərindən iri həcmdə vəsait axınına səbəb ola biləcəyini deyir və risklərə diqqət çəkirlər. Bu qarşıdurma nəticəsində qanun layihəsinin Senatda irəliləyişi faktiki olaraq dayanıb.
Müəllif haqqında
