“Yuventus”un taleyi Kənan Yıldızın əlindədir: Bu, klubda bir dövrü bitirə bilər
LivePress ntvspor-a istinadən bildirir:
İtaliya A seriyasında “Yuventus” baş məşqçisi Luçano Spaletti ilə müqaviləni uzatmaq istəyir. Spallettinin hələ bir qərar vermədiyi və gələcək üçün təminat istədiyi, Kənan Yıldızın komandada qalmasının da bu tələblər arasında olduğu bildirilib.
Həftəsonu A Seriyasında keçirilən böyük matçda Napoli-ni fərqlə məğlub edən Yuventusda növbəti mövsüm üçün planlar davam edir. Mövsümə İqor Tudorun rəhbərliyi altında başlayan, lakin uğursuz nəticələrdən sonra baş məşqçi postu üçün Luçano Spalletti ilə razılaşan “Yuventus” təcrübəli çalışdırıcı ilə müqaviləni uzatmağı planlaşdırır.
Mövsümün sonunda müqaviləsi başa çatacaq Spaletti hələ ki, qərar verməyib. La Gazetta della Sport-da yer alan xəbərə görə, italyan məşqçi gələcək mövsümlər üçün bəzi təminatlar istəyib.
Spallettinin mərkəz hücumçusu və Sandro Tonalinin transferini istədiyi bildirilib. Bundan əlavə, klubun gələcək planlarının aydınlaşdırılmasını tələb etdiyi vurğulanıb və Kənan Yıldızın müqavilə vəziyyətinin italyan çalışdırıcının prioritetlərindən biri olduğu qeyd edilib.
Xəbərdə Spallettinin Kənan Yıldızın komandada qalmasını və müqaviləsinin uzadılmasını istədiyi bildirilib. Milli futbolçu ilə Spaletti arasında yaxşı münasibət olduğu və iki futbolçunun “Yuventus”un gələcək planının mərkəzində olduğu qeyd edilib.
“Yuventus” Kənanın müqaviləsini uzatmağı və onun maaşını indiki 1,5 milyon avrodan 6 milyon avroya yüksəltməyi planlaşdırır.
Kənan Yıldız bu mövsüm “Yuventus”un heyətində 29 matçda 9 qol vurub, 8 məhsuldar ötürmə edib. Milli futbolçu 2022-ci ildə İtaliya komandasının infrastrukturuna transfer olunub.
Müəllif haqqında
