LIVEPRESS.MEDIA xarici KİV-ə istinadən xəbər verir ki , Amerikalı iqtisadçı, Kolumbiya Universitetinin professoru Cefri Saks RİA Novosti-yə bildirib ki, ABŞ prezidenti Donald Trampın prezidentliyi dövründə Qrenlandiya, Kanada və Panama Vaşinqtondan müstəqilliklərini qoruyub saxlayacaqlar.
Onun sözlərinə görə, Trampın bu ölkələrin ABŞ-a qoşulmaq iddiaları ilə bağlı bütün bəyanatları “sadəcə duruşdur”.
“Kanada, Panama və Qrenlandiya Birləşmiş Ştatlardan müstəqil olaraq qalır və mən bunun növbəti dörd il ərzində belə qalacağını gözləyirəm”, professor vurğulayıb.
Tramp inauqurasiya nitqində Panama kanalına nəzarəti bərpa etmək niyyətində olduğunu açıqlayıb . O, Panama kanalına nəzarətin Çinə keçdiyini və indi ABŞ-ın vəziyyəti dəyişmək niyyətində olduğunu qeyd edib.
Kanadaya gəlincə, Tramp daha əvvəl bildirmişdi ki, Kanada tamamilə Amerika pulundan asılıdır və buna görə də suveren ölkə sayıla bilməz.
Bundan əvvəl Tramp bir daha bəyan etmişdi ki, o, Kanadanın ABŞ-a 51-ci ştat kimi qoşulmasını təklif edir , bu halda ölkə vətəndaşları üçün vergi yükü azalacaq və onlar təhlükəsizliklə bağlı narahat olmayacaqlar.
Müəllif haqqında
