Yaponiyada elektrikli mikro-avtomobillər bazarında rəqabət Çin istehsalçısı BYD-nin gəlişi ilə yeni mərhələyə qədəm qoyub.
LivePress Media “The Japan Times”a istinadən xəbər verir ki, BYD-nin bu yay təqdim edəcəyi “Racco” seriyası yerli istehsalçıları qiymət siyasətinə yenidən baxmağa vadar edib.
“Nissan” artıq rəqabətə tab gətirmək üçün “Sakura” modelinin aşağı büdcəli versiyasını satışa çıxaracağını elan edib. Sənaye mütəxəssisləri artan rəqabətin ölkədə elektromobillərə keçidi sürətləndirəcəyini və seçim imkanlarını artıracağını bildirirlər. Yanacaq bahalığı fonunda kompakt və qənaətcil modellər istehlakçıların əsas hədəfinə çevrilib. Hazırda Yaponiya bazarı həm texnoloji, həm də qiymət baxımından böyük transformasiya dövrünü yaşayır.
Müəllif haqqında
