Oyun platformasının tokeni olan Aria (ARIA), aprelin 9-da yaşadığı 80%-lik qəfil enişdən sürətlə bərpa olunaraq 0.95 dollarla yeni tarixi rekorda imza atıb.
LivePress Media Bitcoin.com-un məlumatına istinadən xəbər verir ki, aktivin bazar dəyəri cəmi 24 saat ərzində 30% artaraq 160 milyon dolları keçib. Bu sıçrayış Sentinacle audit şirkətinin platformanın mənbə kodu ilə bağlı “qara qutu” xəbərdarlığına rəğmən baş verib. Analitiklər artımı süni intellekt sektoruna olan qlobal maraq və törəmə alətlər bazarındakı “short squeeze” (qısa mövqelərin sıxışdırılması) ilə əlaqələndirirlər. Hazırda ARIA son bir həftə ərzində 64% dəyər qazanaraq bazarın ən çox müzakirə edilən layihələrindən biridir. Ekspertlər isə investorları yüksək volatillik və mümkün qiymət korreksiyası barədə xəbərdar edirlər.
Müəllif haqqında
