“Canary Capital” investisiya şirkəti ilk “spot PEPE ETF”ini işə salmaq üçün ABŞ Qiymətli Kağızlar və Birja Komissiyasına (SEC) rəsmi müraciət daxil edib.
LivePress Media CryptoTimesin məlumatına istinadən xəbər verir ki, bu addım mem-koinlərin institusional səviyyədə tanınması istiqamətində tarixi cəhd hesab olunsa da, xəbərdən dərhal sonra PEPE-nin qiyməti 5% dəyər itirib. Analitiklər enişi investorların “xəbəri sat” meylləri və ümumi bazar korreksiyası ilə əlaqələndirirlər. Şirkət müraciətində PEPE-nin heç bir daxili faydalılığının olmadığını qeyd etsə də, onu ənənəvi birja alətinə çevirməyi hədəfləyir. İndi bazarın diqqəti SEC-in bu riskli aktivə verəcəyi cavaba yönəlib. Bu müraciət mem-koinlərin rəsmi maliyyə bazarlarına inteqrasiya imkanlarını sınağa çəkir.
Müəllif haqqında
