Dünyanın ən böyük steyblkoin emitenti Tether, rəqəmsal ödənişləri sadələşdirmək üçün fərdi istifadəçilərə yönəlmiş tether.wallet tətbiqini istifadəyə verib.
LivePress Media xarici KİV-ə istinadən xəbər verir ki, yeni pulqabı istifadəçiləri şəbəkə haqlarını (gas) ödəmək üçün əlavə kriptovalyuta saxlamaq məcburiyyətindən azad edir; artıq komissiyalar birbaşa USDT ilə ödənilə bilər.
Tətbiq uzun kripto ünvanları əvəzinə ad@tether.me tipli oxunaqlı istifadəçi adlarını dəstəkləyir və vəsaitlər üzərində tam nəzarəti (self-custodial) istifadəçiyə verir. Tether rəhbərliyi bu addımın bank xidmətlərindən kənarda qalan milyonlarla insan üçün maliyyə əlçatanlığını təmin edəcəyini bildirib. Hazırda pulqabı Bitcoin, USDT və qızıl tərkibli XAUT aktivlərini dəstəkləyir.
Müəllif haqqında
