Yaponiya hökuməti, ölkənin çip startapı olan “Rapidus”un 2 nanometrlik qabaqcıl süni intellekt (Sİ) çiplərini istehsal etməsi üçün əlavə 631,5 milyard yen (təxminən 4 milyard dollar) subsidiya ayırıb.
LivePress Media The Japan Timesın məlumatına istinadən xəbər verir ki, bu yeni vəsaitlə dövlətin layihəyə yatırdığı ümumi investisiya həcmi 2,6 trilyon yenə (16,3 milyard dollar) çatıb. Sənaye naziri Ryosei Akazawa bu addımın TSMC-dən asılılığı azaltmaq və milli iqtisadi təhlükəsizliyi qorumaq üçün həlledici olduğunu bildirib. Vəsait həmçinin şirkətin ilk müştərilərindən olan “Fujitsu” ilə birgə layihələrin maliyyələşdirilməsinə yönəldiləcək. Şirkət 2027-ci ilə qədər kütləvi istehsala başlamağı və 2031-ci ildə birjaya çıxmağı hədəfləyir. Ekspertlər bu maliyyə dəstəyini Yaponiyanın qlobal çip rəqabətində “nəhəng mərci” kimi qiymətləndirirlər.
Müəllif haqqında
