Yaponiyanın Fukuoka şəhərində kanalizasiya suları və dəniz suyunun birləşməsindən yaranan osmotik təzyiq vasitəsilə elektrik hasil edən yeni nəsil stansiya istifadəyə verilib.
LivePress Media Japan Timesin məlumatına istinadən xəbər verir ki, Osmos texnologiyasına əsaslanan bu sistem günəş və külək enerjisindən fərqli olaraq, hava şəraitindən asılı olmayaraq 24 saat kəsintisiz işləmək qabiliyyətinə malikdir. Mühəndislər bu innovativ üsulun qlobal istiləşmə ilə mübarizədə və okean sahilindəki şəhərlərin enerji təminatında inqilab edəcəyini bildirirlər. Hazırda sistemin səmərəliliyini artırmaq məqsədilə xüsusi filtr membranları üzərində tədqiqatlar aparılır. Fukuoka rəsmiləri bu “yaşıl” texnologiyanı ölkə daxilində genişləndirməyi planlaşdırırlar. Bu layihə tullantı sularının iqtisadi dəyərə çevrilməsi istiqamətində mühüm addım hesab olunur.
Müəllif haqqında
