Tokio Universiteti və Corc Meyson Universitetinin tədqiqatçıları, 1-dən 5 həftəyə qədər olan hava proqnozlarında xətaları minimuma endirən LEAS adlı yeni metod hazırlayıblar.
LivePress Media Nikkeinin məlumatına istinadən xəbər verir ki, bu sistem keçmiş proqnozların uğur göstəricilərini analiz edərək ən doğru nəticəni seçmək imkanına malikdir. Xüsusilə kənd təsərrüfatı və logistika sektorları üçün kritik olan bu kəşf, iki həftəlik “proqnoz səddini” aşmağa kömək edir. Yeni üsul temperatur və yağıntı tərəddüdlərini daha dəqiq müəyyən edərək iqtisadi risklərin azaldılmasına xidmət edir. Ekspertlər bu texnologiyanın ekstremal hava hadisələrinə qarşı hazırlıq səviyyəsini artıracağını bildirirlər. Hazırda metodun qlobal meteoroloji modellərə inteqrasiyası müzakirə olunur.
Müəllif haqqında
